UN MOMENTO PRECIOSO evoca o imaxinario simbólico do xardín asociado á representación onírica do planeta terra como lugar de refuxio, descanso, pracer, armonía e equilíbrio. Cando xurde nos soños, o xardín simboliza a prosperidade, a paz e a liberdade, pero UN MOMENTO PRECIOSO transita entre o soño e o pesadelo, o paraiso e o inferno, a luz e a sombra. O mundo está ardendo, da Amazonia á California, de Australia ao Ártico siberiano. A nós tócanos escoller: quedamos observando o mundo ardendo ou optamos por facer o necesario para conseguir un futuro diferente? A decisión é simultaneamente simple e complexa, pero sobretodo é urxente. Esta pode ser a hora final da nosa civilización, pero tamén o noso momento máis precioso. É posible resolver a emerxencia climática, pero hai que axir de inmediato e de xeito radical. UN MOMENTO PRECIOSO é un espectáculo de teatro de movemento interpretado por un grupo de 6 intérpretes que transitan entre o teatro, a danza e a acrobacia. A través da relación da música co movemento e a interacción cos elementos da escenografía, revélanse tódolos segredos dunha posta en escena que se fundamenta na dinámica plástica da narrativa teatral.
Creación María Torres e Gonçalo Guerreiro Dirección de escena e escenografía Gonçalo Guerreiro Interpretación María Torres, Pablo Sánchez, Sofía Espiñeira, Julia Laport, Mario Rodríguez e Eloi García Colaboración en escena Lucía Sá Vestiario e Producción de arte Carolina Díguele Composición musical Manuel Fonte Iluminación Nacho Martín Estructura escenográfica Carolo Losada Deseño gráfico Carolina Díguele Fotografía Vanessa Rábade
